Job Fair sa Lungsod ng Calamba nakapagtala ng maraming aplikante

Calamba City, - Nakapagtala ng maraming aplikante ang ginawang Job Fair sa lungsod ng Calamba kahapon May 11, 2017. Ayon sa datus ng IIPESO naakapag tala ng mahigit halos pitong daang (700) aplikante at may 136 HIRED ON THE SPOTS. Dalawampu’t pito (27) namang kumpanya ang kasali sa nasabing Job Fair. 24 nito ay sa local companies at 3 sa overseas.

Ito ay sa pangunguna ng tanggapan ng IIPESO sa pamumuno ni Mr. Peter C. Capitan. Ito ay ilalim ng programang Trabaho Sa Bawat Calambeño ni Mayor Timmy Chipeco para sa mga Calambeño na mabigyan ng disenteng trahabo ang mga mamamayan nito at mabigyan ng disenteng trabaho ang mga kababayan nating walang trabaho upang sa ganun ay maka tulong sa kanilang mga pamilya pinansyal.

Patuloy ang pasasalamat ni Mr. Capitan sa suporta nila Mayor Chipeco at Vice Mayor Ross Rizal at Sangguniang Panlungsod sa matagumpay na pagsasagawa ng regular na Job fair sa City hall. Aniya, bukod sa regular na Job Fair sa City hall ay kasama rin ang pagkakaroon ng Job Fair sa Serbisyo Caravan. Ito ay isang magandang oportunidad umano ng mga kababayan nating Calambeño na makahanap ng trabaho at di na sila mahihirapang pumunta pa sa mga kumpanya dahil dito na mismo sa City hall ay nagkakaroon na ng regular na Job Fair. Patuloy din na pinapasalamatan ni Mr. Capitan ang mga kumpanya na patuloy sa pakikiisa sa layunin ni Mayor Chipeco na mabigyan ng disenteng trabaho ang bawat Calambeño.

Para sa karagdagang impormasyon at job postings magsadya sa opisina ng IIPESO sa Lower ground Floor ng City hall building o mag log in sa facebook at hanapin ang page na www.facebook/CalambaCityInformationOffice -CCIO at sa ccio-iipeso.