DA KUMPIYANSA NA HINDI TATAAS ANG PRESYO NG BIGAS SA MERKADO

 

Ayon sa Department of Agriculture (DA), hindi inaasahang tataas ang presyo ng bigas sa merkado sa kabila ng patuloy na mataas na rice inflation sa Pilipinas ayon sa Philippine Statistics Authority (PSA).

Sinabi ni DA Spokesperson Assistant Secretary Arnel de Mesa na mababa ang base price noong nakaraang taon, kaya't tila mataas ang rice inflation nitong Feb.

Binanggit din ni Spox. De Mesa ang ilang panlabas na mga salik na patuloy na nakakaapekto sa industriya ng bigas.

Ngunit, walang dapat ikabahala ang publiko dahil patuloy ang pagsisikap ng DA na panatilihing stable ang presyo ng bigas.

Kasama rito ang pagpapalakas sa lokal na produksyon ng bigas na inaasahang magdudulot ng mas mababang presyo ng bigas sa mga pamilihan.